काठमाडौँ । गायक गंगाराज राई र गायिका सुनिता थेगिमको स्वर रहेको ‘यस्तो एउटा संसार’ बोलको गीतको भिडियो रिलिज गरिएको छ। गीतमा गायक गंगाराजकै संगीत रहेको छ । जसमा गीतकार तथा साहित्यकार जानु काम्बाङ लिम्बुको शब्द रचनाको आधुनिक नयाँ गीत यस्तो एउटा संसार सार्वजनिक भएको छ । साहित्यमा लामो समयदेखि सक्रिय जानुकाले यसअघि दर्जनौँ गीतहरु बजारमा ल्याइसकेकी छिन् ।
उनको हालै सार्वजनिक गीत यस्तो एउटा संसारमा गंगाराज राईको स्वर र संगीत र सुनिता थेगिमको आवाज भरिएको उक्त गीतमा उदयराज पौडेलले एरेन्ज गरेको म्युजिक भिडियोमा रोजिना ढकाल र ध्रुव दत्तले अभिनय गरेका छन् ।
भिडियोको निर्देशन डेढ दशकदेखि बेलायतमा बसेर म्यूजिक भिडियो निर्देशनसँगै संचारकर्ममा पनि व्यस्त रहेका निर्देशक कुशल श्रेष्ठको निर्देशनमा तयार भएको भिडियोको निर्माण बेलायतको स्थानीय राजनीतिमा पाइला चाल्दै गरेकी सुमन पुनले गरेकी हुन् ।
बेलायतको स्थानीय राजनीतिमा पाइला चाल्दै गरेकी सुमन पुनको नेपाली कलाकारिताप्रति पनि उत्तिकै मोह छ । सुमनले फार्नबरो क्षेत्रबाट काउन्सिलर पदमा लडिसकेकी छिन् । दीपिका श्रेष्ठको कोरियोग्राफी एवं मेकअप रहेको गीतको मिक्सिङ किशोर थापाले गरेका हुन् । हेर्नुहोस् प्रेम र रोमान्सले भरिएको यस्तो एउटा संसारको भिडियो
