काठमाडौं । गीतकार गीता गिरीको शब्द रहेको ‘पहरी फूल २’ ट्रेण्डिङमा पर्न सफल भएको छ । गायिका मिलन नेवार र गायक रवि ओडको स्वरमा सजिएको ‘पहरी फूल २’ यो समाचार तयार पार्दासम्म ट्रेण्डिगंको २६ औँ स्थानमा रहेको छ । गीतले अहिलेसम्म ११ लाख बढी दर्शक पाइसकेको छ भने टिकटकमा पनि यो गीत निकै रुचाइएको छ । राजु सिंहको संगीत रहेको सार्वजनिक गीतको भडियोमा पुष्प खडका र बिना राउतलाई फिचरिङ गरिएको छ ।
प्रेमभाव रहेका गीतको भिडियोमा ‘पहरी फूल’को बारेमा वर्णन गरिएको छ । पहाडी भेगमा पाइने पहरी फूलको विषयमा आफूले आम दर्शक तथा श्रोता माझमा पुर्याउन पाउँदा खुशी लागेको गीतका निर्माता वसन्त घिमिरे बताउँछन् । निर्देशककेशवराज भट्टको निर्देशन रहेको गीतको भिडियोमा मनकृष्ण मर्हजनको छायांकन र बन्दे प्रसादको सम्पादन छ । हेर्नुहोस् भिडियो
