काठमाडौं – कीर्तिपुर पुगेर नेकपा एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनालले छक्कापञ्जा ४’ हेरेका छन् । , खनालसहित एकीकृत समाजवादीका प्रचार विभाग प्रमुख जगन्नाथ खतिवडा, पूर्वपर्यटनमन्त्री जीवनराम श्रेष्ठलगायत आइतबार मध्यान्ह कीर्तिपुर सिनेप्लेक्स पुगेका थिए ।
उनीहरुले त्यहाँ दिउँसो साढे १२ बजेको शोमा फिल्म हेरेका थिए । नेताहरुले आफैं नै टिकट खरिद गरेर फिल्म हेरेका हुन् । शोमा भाग लिन दीपाश्री, कार्यकारी निर्माता तथा अभिनेता निर्मल शर्मा, केदार घिमिरे ‘माग्ने बुढा’ र अभिनेत्री बेनिशा हमाल पनि कीर्तिपुर पुगेका थिए ।
फिल्म हेरिसकेपछि नेता नेपाल र खनालले फिल्म मन परेको प्रतिक्रिया दिएका थिए । यो फिल्म आक्रामक कमाइको साथ अहिले हलमा चलिरहेको छ भने कमाइ पनि आक्रामक गरिरहेको छ ।
फिल्ममा दीपकराज गिरी, दीपाश्री निरौला र बेनिशा हमाल केदार घिमिरेको मुख्य भुमिका रहेको छ । हेमराज बीसी निर्देशित फिल्म तेस्रो सातामा प्रदर्शन भइरहेको छ ।
