काठमाडौं । फिल्म ‘नाइँ नभन्नु ल ६’ को शीर्ष गीत सार्वजनिक भएको छ । प्रताप दासको स्वर रहेको तिम्रो आँखामा आँखा जुधाइ भन्न मन छ एउटा कुरा’ बोलको गीतमा आँचल शर्मा र आशीर्वाद बराल फिचर्ड छन् ।
गीतले फिल्मका दुई शीर्ष कलाकारको सम्बन्ध स्थापनामा भूमिका खेल्छ । यसै फिल्मबाट डेब्यु गर्न लागेका आशीर्वाद र आँचलले फिल्ममा प्रेमिल जोडीको भूमिकामा अभिनय गरेका छन् ।
गीत नाइँ नभन्नु ल’ सिरिजकै परिचित लयमा संगीत बुनिएको छ । विकास आचार्य निर्देशित यो फिल्म वैशाख १ गते प्रदर्शन हुँदैछ । विष्णुमणि दाहालसँग मिलेर आचार्यले फिल्म निर्माण गरेका हुन् ।
