काठमाडौं । लिओनल मेसीले आफ्नो करियरको ८ सयौं गोल पूरा गरेका छन् । उनले ८ सयौं गोल पुरा गर्दा अर्जेन्टिनाले शुक्रबार बिहान मैत्रीपूर्ण खेलमा पानमालाई २–० ले पराजित गरेको छ ।कतारमा भएको विश्वकप उपाधि जितेपछि अर्जेन्टिनाले खेलेको यो पहिलो खेल हो ।
अल्माडाले ७८औं मिनेटमा गोल गर्दै अग्रता दिलाएका थिए । मेसीले ८९औं मिनेटमा फ्रिकिकबाट गोल गर्दै अर्जेन्टिनाको जित पक्का गरेका थिए ।घरेलु मैदान ब्युनर्स आयर्समा भएको खेलमा अर्जेन्टिनाको राष्ट्रिय टिमका लागि मेसीको यो ९९औं गोल हो ।
उनले क्लब लेभलमा कूल ७०१ गोल गरेका छन् । उनले बार्सिलोनाका लागि ६७२ र पेरिस सेन्ट जर्मेनका लागि २९ गोल गरेका छन् । अर्जेन्टिनाका लागि एक सय गोल पूरा गर्नबाट मेसी एक गोलले टाढा छन् ।पोर्चुगलका क्रिस्टियानो रोनाल्डोले ८३० गोल गरेका छन् ।मेसी करियरमा ८०० गोल पूरा गर्ने दोस्रो खेलाडी बनेका छन् ।
