इंग्लिस प्रिमियर लिग फुटबलमा आर्सनलले क्रिस्टल प्यालेसमाथि सहज जित निकालेको छ । आइतबार राति भएको खेलमा आर्सनलले क्रिस्टल प्यालेसलाई ४-१ गोल अन्तरले पराजित गरेको हो । खेलको २८ औं मिनेटमा गाब्रियल मार्टिनेलीले गोल गर्दै आर्सनललाई सुरुआती अग्रता दिलाएका थिए । ४३ औं मिनेटमा बुकायो साकाले गोल गर्दै आर्सनलको अग्रता दोब्बर बनाए ।
खेलको ५५ औं मिनेटमा ग्रानिट जाकाले गोल गर्दा आर्सनल ३-० ले अघि रह्यो ।६३ औं मिनेटमा जेफ्रीले गोल गर्दै क्रिस्टल प्यालेसलाई ३-१ को स्थितिमा ल्याए ।त्यसपछि खेलको ७४ औं मिनेटमा साकाले व्यक्तिगत दोस्रो गोल गर्दै आर्सनललाई ४-१ को जित दिलाए ।जितसँगै आर्सनलले लिगमा ८ अंकको अग्रता बनाएको छ ।आर्सनलले २८ खेलमा ६९ अंक जोडेको छ । क्रिस्टल २७ अंक जोडेर १२ औं स्थानमा रहेको छ ।
