काठमाडौँ । फिल्म ‘तिम्रो मेरो साथ’ असफल भएपछि नायिका साम्राज्ञी राज्यलक्ष्मी शाह माथि खनिएका निर्माता निर्देशक शोभित बस्नेतले मेघा स्टार भनिएका अनमोल केसीबारे भने मौन बसेका छन् ।
नायिका साम्राज्ञी राज्यलक्ष्मी शाहलाई व्यग्य गर्दै उनले १५ लाख लिने नायिकाले एक शोज त दर्शक हाउसफूल गराउन सक्न पर्यो नी भन्दै कटाक्ष गरेका शोभितले नायिका साम्राज्ञी राज्यलक्ष्मी शाहको दोब्बर पारिश्रमिक लिने अनमोलबारे उनी पुरै मौन छन् ।
नायक भुवन केसी निकट मानिने शोभितले अनमोलबारे हत्तपत्त टिप्पणी गर्दैनन् । उनले अनमोलको नाम नै नलिई छड्के २ को त कुरा गर्न पनि लायक छैन , यसैले मैले यो बिषयमा केही पनि नबोलेको हुँ भनेका छन् ।
अनमोल नेपाली चलचित्र क्षेत्रमा सर्वाधिक पारिश्रमिक माग गर्ने कलाकार हुँदा उनको फिल्म सुपर फ्ल्प भएको अवस्थामा उनी कति जिम्मेवार हुनुपर्ला ? फिल्म चलेन, अब खेल्नेमा राम्रो गर्छु भनेर मात्रै धर चल्ला ?
