काठमाडौं- विश्व क्रिकेट लिग टू क्रिकेटको अन्तिम खेलमा यूएईविरुद्ध भीम सार्कीले अर्धशतक पूरा गरेका छन्। उनले ६ चौका प्रहार गरे। सार्कीले ६० बलमा ५० रन बनाएका हुन्।
यसअघि कुशल भूर्तेलले पनि अर्धशतक पूरा गरेका थिए। ३५ बलमा ५० रन पूरा गरेलगत्तै उनी आउट भए। भूर्तेलले ४ छक्का र ३ चौका प्रहार गरेका थिए। उनी जुनैद सिद्धिकीको बलमा आउट भएका थिए ।
३ सय ११ रनको विशाल लक्ष्य पछ्याएको नेपालले २६ ओभरमा ४ विकेट गुमाएर १५१ रन बनाएर खेलिरहेको छ।कप्तान रोहित पौडेल १६ र कुशल मल्ल ५ रन बनाएर आउट हुँदा आसिफ शेख शून्य रनमा पेभिलियन फर्किए।
