काठमाडौं । ‘छक्कापञ्जा ४’ले पहिलो सातामा आठ करोड हाराहारीमा कमाइ गरेको छ । त शुक्रबार रिलिज भएको फिल्मले पहिलो साता आठ करोड रुपैयाँ हाराहारीमा ग्रस कलेक्सन गरेको छ ।
दोस्रो शुक्रबारको कमाइ जोड्दा कलेक्सन आठ करोड माथि उक्लिने प्रक्षेपण छ । फिल्मले औसत दैनिक एक करोड हाराहारीमा कमाइ गरेको देखिन्छ । चितवनबाट मात्रै फिल्मले एक करोड कमाइ गरेको छ ।
काठमाडौं उपत्यकाबाहिर समेत फिल्म बजारको तीव्र विस्तार हुँदै गएको यो कमाइले देखाएको छ । दोस्रो सप्ताहन्तमा समेत फिल्मको कमाइ पुनः उकासिने अपेक्षा गरिएको छ ।
फिल्मलाई हेमराज बीसीले निर्देशन गरेका हुन् । फिल्ममा दीपकराज गिरी, दीपाश्री निरौला, बेनिशा हमाल, नीर शाह, अनुराग कुँवर, रमेश बुढाथोकी, बुद्धि तामाङ, केदार घिमिरे, राज आचार्य लगायतको अभिनय छ । राजनीतिक कथावस्तुमा निर्माण भएको फिल्मलाई आमा सरस्वती मुभिज र आईएमईले निर्माण गरेका हुन् ।
