काठमाडौं – यसबर्षको सुपरहिट सिनेमा झिँगेदाउ फेम्ड निर्देशन ज्ञानेन्द्र देउजाले निर्देशन गर्ने फिल्ममा रेखा थापा पुजा शर्मा र आँचल शर्माले एक साथ अभिनय गर्ने भएका छन् । फिल्मलाई अभिनेत्री रेखा थापाले लगानी गर्नेछिन् ।
तीन अभिनेत्रीले पहिलो पटक एकसाथ काम गर्न लागेको खबर बाहिरिएपछि फ्यानहरु खुशी भएका छन् । पूजासँग निर्देशक देउजाले पहिलो पटक काम गर्न लागेका हुन् ।
महिलाप्रधान विषयवस्तु माथी निर्माण हुने सिनेमा पूर्णरुपमा कमर्शियल हुनेछ । रेखा फिल्मस्को व्यानरमा निर्माण हुने सिनेमा अर्को बर्षको भदौ महिनामा रिलिज गर्ने लक्ष्य निर्माण टिमको छ । बैशाखबाट फ्लोरमा जाने सिनेमाको स्कृप्ट अहिले सुलक्षण भारतीले लेखिरहेका छन् ।
