बलिउडमा ओटीटी प्लाटफर्म अहिले फिल्म रिलिज गर्ने उपयुक्त माध्यम बनेको छ । कोरोना महामारीका कारण देशभरका सबै हलहरु बन्द रहेका छन् । सिनेमाघर बन्द भए पनि सबैको हात हातमा इन्टरनेट छ त्यसैले ओटीटी पाल्टफर्म उपयुक्त माध्यम बनेको हो । धेरै जसो बलिउडका सिनेमा यहि माध्यमबाट प्रशारण भईरहेका छन् ।
तर निर्देशक रोहीत शेट्टी भने आफ्नो फिल्म सिनेमाघरमा नै प्रर्दशन गर्ने अडानमा रहेका छन् । उनले निर्देशन गरेको फिल्म सुर्यवंशीका बिषयमा उनले यो अडान राखेका हुन् । उनले हिजो साँझ खतरो के खिलाडी ११ को घोषणा समारोहमा आफ्नो फिल्म सुर्यबंशीको रिलिजका बिषयमा यो कुरा जानकारी गराएका हुन् ।
कोरोना महामारीका कारण पटक पटक रिलिज डेट घोषणा हुदै सर्दै गरे पछि उनले अब यो फिल्म सिनेमाघर खुलेपछि रिलिज हुने जानकारी दिएका हुन् । एक्शन किंग अक्षय कुमार र कैट्रिना कैफ अभिनित यस फिल्म सबैको प्रतिक्षामा रहेको छ ।
