सहिद स्मारक ए डिभिजन लिग फुटबलको पहिलो खेलमै साविक विजेता मछिन्द्र फुटबल क्लब पराजित भएको छ । त्रिपुरेश्वरस्थित दशरथ रंगशालामा आज भएको खेलमा मछिन्द्र जावलाखेल युथ क्लबसँग ३-१ गोल अन्तरले पराजित भएको हो । जावलाखेललाई जित दिलाउन हिसुब थपलिया, एनकोटो मोसाबी र कप्तान सिमान्त थापाले एक एक गोलको योगदान दिए ।
मछिन्द्रका देवेन्द्र तामाङले सान्त्वना स्वरुप एक गोल फर्काए । सुरुआती एक गोलको अग्रता जोगाउन नसक्दा मछिन्द्रले हार व्यहोरेको हो । जितसँगै जावलाखेलले पहिलो खेलमै ३ अंक जोडेको छ । मछिन्द्रले भने हारबाट लिगको सुरुआत गरेको छ ।
