डिभोर्सको घोषणा पछि आमिर खान तथा किरण रावले आफ्ना फ्यानहरु तथा नजिकका साथीलाई एक भिडीयो शेयर गर्दै कानुनी रुपमा आफुहरु अलग हुने घोषणा गरेका थिए । उनीहरु पती पत्नीको रुपमा अलग भए पनि साथीको रुपमा रहने त्यतिबेलै भनेका थिए । उनीहरुले त्यो कुरालाई थप पुष्टि गरेका छन् ।
उनीहरुले बितेको कुरालाई पछाडि छोड्दै ब्यवसायिक रुपमा एकजुट भएको प्रमाणित गरिदिएका छन् । लाल सिंह चड्डाको शुटिंगको सिलसिलामा आमिर खान र पुर्व पत्नी किरण अहिले लद्धाखमा रहेका छन् । उनीहरु एक अर्का संग खुशी रहेका छन् । यस कुराको जानकारी दुबैजनाले नदिएर साउथ फिल्मका सुपरस्टार नागा चैतन्यले खुलासा गरिदिएका छन् ।
एक्टर नागा चैतन्यले आफ्नो ट्विटरमा लाल सिंह चड्डाको सेटको एक तस्बिर शेयर गरेका छन् । यो तस्बिरमा आमिर, चैतन्य तथा किरण राव साथै देखिएका छन् । खबर अनुसार फिल्मको यसै हप्ता शुटिंग शूरु गरिने जनाइएको छ । यहि फिल्म बाट चैतन्यले बलिउडमा डेब्यु गर्दैछन् । फिल्मको लद्धाखमा ४५ दिन सम्म शुटिंग हुने बताइएको छ । यस फिल्ममा आमिर र चैतन्यको केही फाइट सिन समेत शुट हुनेछ ।
