सर्वाेच्च अदालतले बिदेश जाने अनुमति दिए लगत्तै क्रिकेटर सन्दीप लामिछाने आईसीसी विश्वकप क्रिकेट लिग–टू अन्तर्गतको टोलीमा समावेश भएका छन् । नेपाल क्रिकेट संघ क्यान ले बुधबार युएईमा जारी त्रिकोणात्मक सिरिजमा सन्दीप सामेल हुने जनाएको छ । क्यानले मौषम ढकालको स्थानमा सन्दीपलाई टिममा राखिएको जनाएको छ ।
मौषमले अभ्यासको क्रममा काँधको चोट बोकेपछि सन्दीपलाई टिममा राखिएको जनाएको छ । सिरिजको दोस्रो खेलमा नेपालले भोली यूएईसँग प्रतिष्पर्धा गर्दैछ । नेपालले घरेलु मैदानको फाईदा उठाउँदै यसअघिका सबै खेल जितेको थियो ।
