काठमाडौं – र्यापर समेत रहेका भिटेनको स्वर तथा संगीतमा गीत ‘छड्के खालास्’ रिलिज गरेको छ । अनमोल केसी स्टारर ग्याङस्टर ड्रामा ‘छड्के २’ले आज गीत सार्वजनिक गरेको हो ।
फिल्ममा प्रमोसनसहितका अन्य केही गीत पनि गाएका भिटेनले १५ लाख रुपैयाँ पारिश्रमिक लिएको बताइएको छ । यो फिल्मसँगै भिटेन पाश्र्वगायनमा सर्वाधिक पारिश्रमिक लिने नेपाली र्यापर बनेका छन् ।
यो गीत पनि भिटेन स्वयंले लेखेका हुन् । निगम श्रेष्ठले खलनायकको भूमिकामा अभिनय गरेका छन् । फिल्मको निर्देशन पनि निगम श्रेष्ठले गरेका हुन् ।मनाङ र नारायणगढमा छायांकन गरिएको यो फिल्ममा अनमोलसहित रविन तामाङ, निगम श्रेष्ठ, कमलमणि नेपाल, रेशा आले मगरको शीर्ष भूमिका छ ।फिल्ममा प्रशान्त गिरी र देवकुमार श्रेष्ठ निर्माता छन् । कार्यकारी निर्मातामा निर्भाना फिल्म स्कुल र लक्ष्मण काफ्ले छन् ।
