काठमाडौं – नेपाल र स्कटल्यान्डको खेल चलिरहँदा त्रिवि खेल मैदानमा क्रिकेट समर्थकहरुले सन्दीप लामिछानेको पक्षमा नारावाजी गरेका छन् । सन्दीपलाई नेपालको यूएइ भ्रमणमा समावेश गर्न माग गर्दै उनिहरुले नाराबाजी गरेका हुन् ।
आजको खेलमा नेपालका लागि सन्दीपले फेरि एकपटक उत्कृष्ट प्रदर्शन गरेपछि नारावाजी सुरु भएको हो । प्रतियोगितामा उनको विकेट संख्या १३ पुगेको छ भने आजको खेलमा उनले १० ओभर बलिङ गर्दा चार विकेट लिएका थिए ।
नेपाली टिम आगामी १३ गते विश्वकप लिग २ को अर्को त्रिकोणात्मक श्रृंखला दुबइ जाँदैछ । सन्दीपलाई अदालतले विदेश भ्रमणमा रोक लगाएकाले उनी यूएइ जान नपाउने भएपछि समर्थकहरुले सन्दीपलाई दुबइ लग’ भन्दै नारावाजी गरेका हुन् ।
सन्दीपका प्रत्येक विकेटमा समर्थकहरुले सेलिब्रेसन गरेका थिए । तर, सन्दीपको अनुपस्थितिमा नेपालको बलिङ कमजोर हुने भन्दै फ्यानहरुले उनलाई यूएइ लैजानुपर्ने माग गरेका हुन् ।
