दिग्गज कलाकार दिलीप कुमार संगै हिन्दी सिनेमाको एक युग समाप्त भएको छ । यस खबरले पुरै बलिउड शोकमा डुबेको छ । बुधबार उनको पार्थिव शरीरको अन्तिम दर्शनको लागि पुरा बलिउड नै हतारिएको थियो । यसैमध्ये एक जना थिए शाहरुख खान । उनले लगातार रोईरहेकी दिलीपको पत्नीलाई ढाडस दिईरहेका थिए । सायरा संगको यो तस्बिरले सारा देशलाई नै रुवाएको थियो ।
शाहरुख आफैले दिलीपका लागि ओछ्याएका थिए रेडकार्पेट
आज दिलीप कुमार यो संसारमा छैनन् । तर उनी संग अभिनेता शाहरुख खानको सम्बन्ध कसैबाट पनि लुक्न सकेको छैन । ब्यक्तिहरुले त्यो समय भुलेका छैनन् जब किंग खानले ट्रयाजिडी किंग दिलीप कुमारको लागि खुद रेड कार्पेट ओछ्याएका थिए । उनले सन् २००१ को सिने अवार्डमा रेड कार्पेट ओछ्याएका थिए ।
जब दिलीप कुमारको फिल्म मुगल ए आजमको लागि स्पेशल अनर दिइएको थियो । दिलीप कुमार जब आफ्नो पत्नी सायराको साथमा स्टेजमा चढेका थिए त्यतिबेला खुद शाहरुख खानले दिलीप कुमारको लागि रेड कार्पेट ओछ्याएका थिए । त्यसपछि दिलीप कुमारले शाहरुख लाई अंकमाल गरेर शिरमा चुमेका थिए । उनीहरु दुबै जनाको सन्तान थिएनन् ।
एक पटक सायराले शाहरुख खानको बिषयमा यस्तो कुरा गरेकी थिईन् सबै भावुक भएका थिए । उनले आफुहरुको छोरा हुन्थ्यो भने शाहरुख जस्तै देखिन्थ्यो होला भनेकी थिईन् । त्यतिमात्र हैन उनले शाहरुखको कपाल बिल्कुलै दिलीप साहेबको जस्तै भन्दै उनको तारिफ समेत गरेकी थिईन् ।
