बलिउड, हलिउडको उचाई पुग्ने प्रयासमा रहेको छ । बलिउडमा पनि अब उच्चतम प्रबिधिको प्रयोग हुन थालेको छ । पछिल्लो समयमा बलिउडमा एक्सन प्रधान चलचित्र निर्देशन गर्दै आएका निर्देशक सिद्धार्थ आनन्दको नयाँ फिल्म ‘फाइटर’मा उच्चतम प्रबिधिको दृश्य देख्न पाईने भएको हो ।
यस फिल्ममा बलिउडमै पहिलोपटक आकाशमा फाईटको सिन छायांकन गरिने जनाइएको छ । यो प्रबिधिको कसरी प्रयोग हुन्छ त्यो त हेर्न बाँकि नै छ । तर पनि आकाशमा फाईटको सिन छायांकन गर्नु कुने चानचुने कुरा भने होईन् । त्यतिमात्र हैन भायकम १८ स्टुडियोले निर्माण गर्ने यस फिल्ममा आधुनिक प्रविधिको प्रयोग हुने जनाइएको छ ।
त्यस्तै फिल्म फाईटरलाई विश्वका विभिन्न स्थानमा छायांकन गरिने जनाइएको छ । यस फिल्ममा निर्देशक सिद्धार्थले ऋतिक रोशन र दीपिका पादुकोणको जोडीलाई स्क्रिनमा उतार्दैछन् । यस फिल्म लाई एरियल एक्सन फ्रेन्चाइजको रुपमा निर्माण गरिने निर्देशक आनन्दले जनाएका छन् ।सिद्धार्थले यसअघि पनि एक्सन फिल्म बनाईसकेका छन् ।
चलचित्र वारमा ऋतिक र टाइगर श्राफलाई लिएर उनले निर्देशन गरेका थिए । ऋतिकको साथमा दीपिका पनि देखीने भए पछि यस फिल्मको महत्वकांक्षा झनै बढेर गएको छ । फाईटर फिल्म सन् २०२२ को सुरुआतमा छायांकन गरिने निर्माण पक्षले जनाएको छ ।
