पब्लिक फिगर भएपछि साना साना कुरामा ध्यान दिएन भने ट्रोल बन्ने पक्का छ । अहिले सामाजिक सञ्जालको जमानामा ट्रोलको शिकार बन्न कतिबेर पनि लाग्दैन । कलिउड हेरी बलिउडमा ट्रोल एकदमै फास्ट समेत रहेको छ ।
बलिउडका कुनै कलाकारले सानो मात्र गल्ती गरेकी उनीहरु ट्रोल बन्ने पक्का नै हो । पछिल्लो समय बलिउडका चर्चित सुपरस्टार शाहरुख खान ट्रोल बनेका छन् । बलिउडका एकदमै दिग्गज कलाकार दिलीप कुमारको निधनका बेला उनी निवासमै पुगेका थिए । उनले दिलीप कुमारकी रोईरहेकी श्रीमती सायरालाई सम्हाल्दै गरेको तस्बिर सामाजिक सञ्जालभर छ्याप छ्याप्ती नै भयो ।
उनको यो तस्बिरले धेरै जनाको सेन्टिमेट समेत जित्यो । तर अहिले आएर त्यहि तस्बिर ट्रोल बनेको छ । उनलाई ट्रोलरहरुले डनको शुटिंग गर्न आएको हो भन्दै ब्यंग गरेका छन् । शाहरुख खानले घरभित्र हुँदा पनि सायरासँग चश्मा लगाएर बसेका थिए । यो फोटोलाई लिएर केही मानिसहरुले शाहरुखलाई नराम्रोसँग ट्रोल गर्न सुरु गरेका हुन् ।
उनले रुदै गरेकी सायराको छेउमा बसेर उनलाई सम्हाल्दै गरेको तस्बिरमा उनी सेतो टिसर्ट, जिन्स र चश्मा लगाएको देख्न सकिन्छ । झट्ट हेर्दा लाग्छ कुनै फिल्मको शुटिंगमा छन् । यसै फोटोलाई लिएर एक सामाजिक सञ्जाल प्रयोगकर्ताले अन्तिम संस्कारमा सनग्लासेस लगाएको ? बलिउड फेक हो भनेका छन् । त्यस्तै उनलाई शुटिंगमा आएको हो भन्दै पनि ट्रोल गरेका छन् । त्यतिमात्र हैन एक युजरले सान्त्वना दिन आएको कि पार्टीमा ? सनग्लासेससम्म पनि हटाएका छैनन् भनेर उडाएका छन् ।
