काठमाडौं । नायिका केकी अधिकारी र गायक तथा मोडल प्रकाश सपुतको मुख्य अभिनय रहेको फिल्म ‘परदेशी’ तयार भएर पनि किन प्रर्दशन भइरहेको छैन ?
कहिले ‘प्रेमगीत ३’ सँग डराएर भागिरहेको छ त कहिले ‘कबड्डी’ समुहको फिल्म ‘फूलबारी’सँग डराएर परदेशी समुहले रिलिज मिति लगातार पोस्टपोन्ड गरिरहेको छ । गएको दशैँमा फिल्म प्रदर्शनको तयारीमा थियो तर, ‘प्रेमगीत ३’ को डरले ‘परदेशी २’ले खुट्टा कमायो र फागुन ५ मा सर्यो ।
तर, यो मितिमा ‘कबड्डी’ समुहको फिल्म ‘फूलबारी’ आउने भएपछि ‘परदेशी २’ पुनः पोस्टपोन्ड भएको छ । अघिल्लो वर्षको दशैँमा प्रर्दशनको तयारी गरेको गायक नारायण रायमाझी निर्देशित फिल्म अब आगामी दशौको पर्खाइमा हुनेछ ।
तर, आगामी दशैंका लागि अहिलेदेखि नै फिल्मको प्रदर्शन मिति घोषणा गर्न हानाथाप चलिरहेका बेला ‘परदेशी २’को प्रदर्शन आगामी दशैंमा पनि मुश्किल देखिन्छ ।
यसैबिच समयमा यो फिल्म प्रदृशन हुन नसक्दा गायकबाट नायक बनेका प्रकाश सपूतले आफ्नो काम देखाउन पाएका छैनन् । ‘परदेशी २’ प्रदर्शनमा नआएसम्म उनले अरु फिल्ममा काम गर्न नपाउने सर्तका कारण पनि प्रकाशले अरु फिल्ममा काम गर्न सकिरहेका छैनन् ।
