पूर्वी नवलपरासी- केरुङे खोलामा बाढी आएपछि पूर्वी नवलपरासीको सदरमुकाम कावासोती बजार जलमग्न भएको छ । हात्तीखेर भन्ने स्थानबाट बाढी पसेपछि मुख्य बजार क्षेत्र जलमग्न भएको हो । कावासोती थानाचोकदेखि पश्चिम सभापतिचोकसम्मको बजार क्षेत्र र राजमार्ग क्षेत्र डुबानमा परेको छ ।
पानीले कावासोती खानेपानी तथा सरसफाई उपभोक्ता समितिको खानेपानी पाइप पनि १ किलोमिटर बगाएको बताइएको छ ।महेन्द्र राजमार्गमा पनि पानी बगेका कारण आउजाउ गर्न समस्या भएको छ । खोला बगेका कारण कतिपय स्थानमा सडक नै नदेखिएको बताइएको छ ।
