नेपाली राष्ट्रिय क्रिकेट टिमका मुख्य प्रशिक्षक मोन्टी देशाईले नेपाली क्रिकेटको बिकासका लागि आफुले धेरै उदेश्य लिएर नेपाल आएको बताएका छन् । नेपाल क्रिकेट संघ क्यानले सोमबार आयोजना गरेको कार्यक्रममा बोल्दै मुख्य प्रशिक्षक देशाईले नेपालसँगको सम्बन्ध लामो भएको उल्लेख गर्दै आफु धेरै उदेश्यसहित आएको बताएका हुन् ।
क्यानले भारतीय प्रशिक्षक देशाईलाई दुई वर्षको लागि मुख्य प्रशिक्षक नियुक्त गरेको हो । क्यानले सोमबार एक कार्यक्रमको आयोजना गर्दै औपचारिक रुपमा देशाईलाई मुख्य प्रशिक्षक नियुक्त गरिएको जनाएको थियो ।
देशाईले सन् २०१७ मा नेपाली यू–१९ पुरुष राष्ट्रिय क्रिकेट टिमका ब्याटिङ कन्सल्ट्यान्ट भएका थिए । त्यस भन्दा अगाडी देशाईले सन् २०१५ को आईसीसी टी–ट्वान्टी विश्वकप छनोटका क्रममा राष्ट्रिय क्रिकेट टिमका लागि काम गरेका थिए ।
