काठमाडौँ २३ असार । नेकपा एमालेको विवाद समाधान गर्न गठित कार्यदलको बैठक सकारात्मक भएको कार्यदलका सदस्य गोकर्ण विष्टले बताएका छन् ।
आजको बसेको बैठकमा भएको छलफल र विषयवस्तुलाइ लिएर सहमतिको नजिक पुगेको बताएका विष्टले भने, ‘लगातार तीन दिनको छलफलपछि हामी झण्डै-झण्डै निष्कर्षमा पुगेका छौं । सार्थक परिणाममा पुग्छौं भन्नेमा कार्यदलको बैठकपछि विश्वास पैदा भएको छ ।
पुर्व माओवादीका साथीहरुलाई व्यवस्थापन गर्ने गरी सहमतिको नजिक पुगेको नेता विष्टको दावी रहेको छ । बैठक पछि सञ्चारकर्मीहरुसँग बोल्दै विष्टले सबै कमिटीलाई पुरानै अवस्थामा फर्काउने विषयमा हामी यसअघि सहमतिमा पेगिसकेकोले बाँकी रहेका विषयमा पनि लामो प्रयत्नले सार्थक नतिजा दिन्छ भनेर विश्वास भएको बताएका छन् ।
बैठक भोली फेरि बस्ने भएको छ ।
