काठमाडौं । अभिनेता दयाहाङ राईको जन्मदिन अर्थात वैशाख १ गते उनका दुई फिल्म ‘जारी’ र ‘बिहे पास’ एकसाथ रिलिज हुने भएका छन् ।
‘जारी’ले वैशाख १ गते आउने घोषणा गरेको केही दिनमै ‘बिहे पास’ले पनि आज पोस्टर सार्वजनिक गर्दै ‘सोही मितिमा फिल्म रिलिज गर्ने घोषणा गरेसँगै दयाका दुवै फिल्म एकसाथ रिलिज हुने तयारीमा छन् ।
‘बिहे पास’मा दयाहाङसहित प्रकृति श्रेष्ठको मुख्य भूमिका रहेको छ । बिहे गर्नको लागि सरकारी जागिर गर्नुपर्र्छ भन्ने ग्रामीण नेपाली समाजको मान्यताको कथावस्तुमा फिल्म निर्माण भएको फिल्म कमेडी र सोसल ड्रामा जनरामा बनेको छ ।
यसैबिच एकै मितिमा दुई फिल्म आउने भएपछि अभिनेता राईले असन्तुष्टि पोखेका छन् । वैशाख १ गते यसअघि नाइँ नभन्नु ल ६ र प्रसाद २ ले पनि रिलिज मिति घोषणा गरिसकेका बेला आफ्ना दुई फिल्मले एकै दिनमा प्रदर्शन मिति तय गरेपछि दयाहाङमाथि प्रचारप्रसारमा दबाब पर्ने देखिएको छ ।
उनले कसरी प्रचारलाई समय दिँदै प्रतिक्षित भनिएका अर्का दुई फिल्म नाइँ नभन्नु ल ६ र प्रसाद २ माथि रणनीति बनाउँछन् त्यो भने केही दिनमा नै थाहा लाग्ला ।
