काठमाडौं । पछिल्ला दिनमा नेपालमा डिग्रीधारी नायिकाहरुको संख्या बढ्दो छ । कुनै समय अभिनयमा लाग्दा पढ्न नपाएकी नायिका करिश्मा मानन्धरले कक्षा ८ देखि पुन अध्ययन थालेर अहिले प्लससम्मको अध्ययन गरिसकेकी छिन् । उनी ब्याचलर पनि पढ्न चाहन्छिन् ।
त्यस्तै ‘कबड्डी’ र ‘दुई नम्बरी’ फेम्ड अभिनेत्री उपासना सिंह ठकुरी अभिनयसँगै पढाइमा पनि उत्तिकै लगनशील नायिका रुपमा परिचित छिन् ।
फिल्मसँगै पढाइलाई अघि बढाउने उनको प्रतिबद्धता जनाउँदै आएकी उनले यसैसाता स्नातक तह उत्तीर्ण गरेकी छन् । आफूले कलेज तह पार गरेपछि उपासनाले दर्शकमाझ खुसी बाँड्दै फिल्मी करियरसँगसँगै अध्ययनलाई पनि अघि बढाउने योजनामा आँफु रहेको बताइन् । होटल हायातमा आयोजित कलेजको दीक्षान्त समारोहमा उपासनाले औपचारिक रुपमा स्नातक तह उत्तीर्ण गरेको प्रमाणपत्र बुझिन् ।
आफ्नो अध्ययनबारे जानकारी दिन उनले दीक्षान्त समारोहका तस्वीर सार्वजनिक गरेपछि उनको तस्विरमा सबैले शुभकामना र बधाई ब्यक्त गरिरहेका छन् ।
, ‘कबड्डी ३’ र ‘दुई नम्बरी’जस्ता उनी अभिनित फिल्म सुपरहिट फिल्मकी नायिका अहिले फिल्म ‘हात्तीछाप’मा काम गर्ने तयारीमा छिन् ।
