काठमाडौं – अभिनेत्री पूजा शर्माले त शाहरुखका क्रेजी फ्यानसँगै केक काटेर खुसी बाडेकी छन् । आज देखी हलमा लागेको शाहरुखको फिल्म पठान हेर्न पुगेकी उनले शाहरुखका क्रेजी फ्यानसँगै केक काटेर खुसी बाडेकी हुन् ।
शाहरुख खानका नेपाली फ्यानले हल नै बुक गरेर पहिलो शो हेरेका थिए । शाहरुखकी डाइहार्ट फ्यान रहेकी पुजा एकाबिहानै फिल्म हेर्न हल पुेकी थिइन् । सिने द सेफ मल्टिप्लेक्स हलमा फ्यानले केक काट्ने जिम्मा पूजालाई दिएका थिए । केही साताअघि शाहरुख खानलाई लिएर भारतमा भइरहेको पठान विवादमा शाहरुखको पक्ष लिएर पूजाले इन्स्टाग्राम स्टोरीमा पोस्ट नै गरेकी थिइन् ।
नेपालका डेढसय भन्दा बढी हलमा रिलिज भएको पठान हेर्न बिहानैदेखि दर्शकको ओइरो लागेको छ । पठान’ विश्वभरका ७७ सय हलमा प्रदर्शन भइरहेको छ । फिल्ममा शाहरुख खान दीपिका पादुकोण जोन अब्राहमको मुख्य भुमिका रहेको छ ।
