काठमाडौं -नायिका पूजा शर्मा र अर्की नायिका रेखा थापाले अब एक साथ फिल्ममा काम गर्ने भएका छन् । केही दिन यता सामाजिक संजालमा लेखक शिवम् अधिकारी र वितरक करण श्रेष्ठले रेखा र पूजासँगको तस्विर पोष्ट गरेपछि यी दुई नायिकाले एक साथ काम गर्न लागेको कुरा बाहिर आएको हो ।
उनीहरूले फिल्मको बारेमा केही त बताएका छैनन् । तर, स्रोतका अनुसार रेखा र पूजा चैत्र महिनादेखि नयाँ फिल्म बनाउने तयारीमा छन् । यसका लागि कथा लेख्ने काम धमाधम चलिरहेको छ । फिल्म ३ जना नायिकामाथि केन्द्रित रहने बुझिएको छ ।
जसमा रेखा र पूजा नै लिड भूमिकामा हुनेछन् । एक नायिका भने फाइनल भइनसकेको बताइएको छ । फिल्मका लागिल यी दुईले एक चर्चित निर्देशकलाई फिल्मका लागि अफर समेत गरेको बताइएको छ ।
