सरसर्ती नियाल्ने हो भने साउथ ईण्डियन सिनेमाहरु हिन्दी भन्दा माथि देखिएका छन् । कैयौ चर्चित र हिट सिनेमा रहेका छन् साउथ इण्डियाका । त्यस मध्ये एक हो केजीएफ । दक्षिण भारतीय सिनेमाका रकिंग स्टार यशको अभिनय रहेको केजीएफ एकदमै हिट भयो ।
अब यसैको सिक्वले केजीएफ–२ पनि बनिसकेको छ । तर बिडम्बनाको कुरा कोरोना महामारीका कारण लकडाउन जारी रहेकोले यो फिल्म रिलीजको डेट हेरेर बसेको छ । केजीएफको पहिलो भाग सुपरहिट भएपछि दोस्रो भागका लागि दर्शक एकदमै ब्यग्र प्रतिक्षामा रहेका छन् ।
यसको दोस्रो पार्टमा भने बलिउडका सञ्जु भाई अर्थात सञ्जय दत्तको पनि दमदार अभिनय पनि हेर्न पाइनेछ। यो पहिलो चलचित्रको सिक्वेल भएका कारण कथा पनि जोडिएरै आउने बताइएको छ । एकदमै ठुलो लगानी रहेकोले यस फिल्मले डिजिटल प्लाटफर्म भन्दा पनि सिनेमाघर नै पर्खिएर बसेको छ ।
रिलिज गर्न सबै सिनेमा हल खुल्ला हुनुपर्ने यस फिल्मको निर्माण पक्षको भनाई छ । कोरोनाले थलिएको माहोल शान्त हुन थालेपछि यस फिल्मको रिलिज डेट तोक्ने निर्माण पक्षले जनाएको छ । यो फिल्म सेप्टेम्बरमा रिलीज हुन सक्ने जानकारी आए पनि निर्माण पक्षले भने कुनै आधिकारीक जानकारी दिएको छैन । यस फिल्ममा रकिंग स्टार यश संगै सञ्जय दत्त, स्रिनिधि सेट्ठी, रबिना टण्डन लगायतका चर्चित कलाकारहरु रहेका छन् । यस फिल्मको लेखन तथा निर्देशन प्रशान्त निल गरेका हुन् ।
