काठमाडौं । अभिनेता सविन श्रेष्ठले आफूले अभिनयबाट प्राप्त हुने पारिश्रमिकको १० प्रतिशत कलाकार संघलाई दिने बताएका छन् । माघ १ गतेदेखि आफूले अभिनय गर्ने फिल्म, म्युजिक भिडियो, विज्ञापनबाट कमाएको उक्त रकम कलाकार संघलाई दिने घोषण गरेका छन् ।
पछिल्लो समय सामाजिक कार्यमा पनि उत्तिकै सकृय बनेको सबिनले आफूले पाउने पारिश्रमिकबाट कर कटाएर मात्र आफूलाई दिन समेत उनले आग्रह गरेका छन् । चलचित्र कलाकार संघको आसन्न चुनावमा अध्यक्ष पदमा उम्मेदवारी घोषणा गरेका उनले सामाजिक संजाल फेसबुकमा लखेका छन् आज म जे छु, मैले जुन इज्जत, सम्मान र माया पाएको छु । त्यसको सम्पूर्ण श्रेय नेपाली चलचित्र क्षेत्र नै हो र सदैव रहन्छ,’ ।
सविनले निर्माण गरेको फिल्म ‘हिरो रिटन्र्स’ प्रदर्शन तयारीमा छ भने उनको नयाँ फिल्म निर्माण हुँदैछ । उनको प्रमुख भूमिका हुने फिल्म ‘सिड्नी’को निर्माण घोषणा भएको छ । जसमा सबिनको जोडी अभिनेत्री रिमा विश्वकर्मा रहनेछिन् ।
