बलिउडमा अहिलेका दिनमा हरर कमेडी शैलीको फिल्मको ट्रेण्ड एकदमै देख्न थालिएको छ । हरर कमेडी शैलीको फिल्म मध्ये अब दर्शकलाई मनोरञ्जन दिनका लागि भुत पुलिस आउँदैछ । हरर कमेडी फिल्म भूत पुलिसमा सैफ अलि खानको लुक्स सार्वजनिक भएको छ ।
सैफकी श्रीमती एक्ट्रेस करीना कपूर खानले आफ्नो इन्स्ट्राग्राममा एक तस्वीर अपलोड गर्दै सैफ लुक्स सार्वजनिक गरेकी हुन् ।साथै करीनाले फिल्म भूत पुलिस डिज्नी प्लस हट स्टारमा रिलिज हुने जानकारी दिएकी छिन् । उनको यो लुक्सले फिल्मलाई लिएर उत्साह झन् चुलिएको छ ।
सैफ अली खान भूत पुलिसमा विभूतिको भुमीकाका देखिने छन् । फिल्म निर्माण पक्षले सैफको फस्र्ट लुक सार्वजनिक गरेको हो ।
पोस्टरमा सैफको लुक्सको कुरा गर्नु पर्दा उनी कालो रंगको कपडामा लेदरको ज्याकेट लगाएको देख्न सकिन्छ । त्यति मात्र हैन उनको आँखामा गाजल लगाइएको छ भने दारी लाई राम्रो संग स्टाईल दिइएको छ ।
पोस्टरको पछाडि एक मन्दिर जस्तो ठाउँ देख्न सकिन्छ । सैफ़को यो लुक्स हेर्दा उनी भुत भगाउने पात्रका रुपमा रहेको बुझ्न सकिन्छ । फस्र्ट लुक्समा देखिएको उनको शैतानी आँखा र जालि मुस्कुराहट लाई लिएर एकदमै चर्चा चुलिएको छ । यो लुक्स बाहिरीए संगै सैफ ट्विटरमा ट्रेंडमा परिरहेका छन् ।
