काठमाडौँ । फिल्म ‘गुञ्जन’ले प्रदर्शनको सुरुवातमा दर्शकको साथ पाउन सफल भएको छ । शुक्रबारबाट प्रदर्शनमा आएको फिल्मले शुक्रबार औसत ब्यवसाय गरेपनि शनिबार भने राम्रो दर्शक पाएको हो । बितरक करण श्रेष्ठ ‘क्रेजी’ले शुक्रबार र शनिबार फिल्मले राम्रो दर्शक पाएको बताए ।
‘फिल्म शुक्रबार केही हलमा हाउसफुल समेत भयो’, श्रेष्ठले भने ‘शनिबार भने अधिकाम्स हलमा राम्रो दर्शक देखिए’ शनिबार फिल्मले देशभरका अधिकाम्स हलमा ६० प्रतिसतबढी दर्शक पाएको बितरक श्रेष्ठको भनाई रहेको छ । फिल्मले आज दर्शकको झन् राम्रो साथ पाउने अनुमान श्रेष्ठको रहेको छ ।
प्रेमकथामा बनेको ‘गुञ्जन’ अष्ट महर्जनले निर्देशन गरेका हुन् । दुई दशकदेखि नेपाली फिल्ममा द्धोन्द निर्देशन गर्दै आएका महर्जनको यो निर्देशमा डेब्यु फिल्म हो । आफ्नो निर्देशन रहेको पहिलो फिल्मले दर्शक राम्रो पाएको भन्दै निर्देशक अष्ट दंग छन् । ‘रिलिजको दिनसम्म मलाई फिल्मको एकदमै टेन्सन थियो । अहिले खुसी छु’, निर्देशक महर्जनले भने ‘ब्यवसाय राम्रो त छदैछ त्यो भन्दा पनि फिल्मको रिभ्यु राम्रो आएको छ । एउटा निर्देशकलाई त्यो भन्दा अर्काे खुसी के होला र ?’
सारा सिर्पाली, प्रितमराज सेन्चुरी, कविर खड्का, सरोज खनाल, हिउँवाला गौतम, कविर खड्का, रोहन शाही, निरुता स्याङतान, कन्चन चालिसे, सुस्मिता बराल, इभा श्रेष्ठ, अमोद भट्ट, आइपी आचार्य, ऋचा शर्मा, अमेश न्यौपाने लगायतका कलाकारको अभिनय फिल्ममा छ । प्रितमराजले पनि यसै फिल्मबाट अभिनयमा डेब्यु गरेका हुन् ।हिराकृष्ण शाहीको प्रस्तुति र सुनिता शाही निर्माता रहेको फिल्म ए.एच इन्टरटेन्मेन्टको ब्यानरमा निर्माण भएको हो ।
