एजेन्सी – अमेरिकी गायिका लिसा मारिया प्रेस्लेको मृत्यु भएको छ। बिबिसीले जनाए अनुसार ५४ वर्षिया लिसाको हृदयाघातका कारण मृत्यु भएको हो । क्यालिफोर्नियाको कालाबाससस्थित आफ्नो घरमा अचेत अवस्थामा भेटिएकी उनको निधनले हलिउड गायन क्षेत्र शोकमा डुबेको छ ।
चर्चित अमेरिकी अभिनेता, गायक तथा संगीतकार एल्भिस प्रेस्लेकी छोरी समेत रहेकी उनी चार पटक विवाह गरेकी छन्। आमाबुवाको सम्बन्धविच्छेदपछि उनी आफ्नी आमासँग क्यालिफोर्नियामा बस्थिन्। केही समयपछि उनले आफ्नो बुवालाई भेटेकी थिइन्।
त्यतिबेला उनी ९ वर्षको थिइन्। सो लभ्ली, ओभर मी, इडियट, लाइट आउट, नोबडी नोटिस्ड इट लगायत गीतमा आवाज दिएकी उनले उनले सन् १९९४ मा संगीतकार डेनी केफसँग विवाह गरेकी थिइन्।
डेनीसँग सम्बन्धविच्छेद गरेको २० दिन मै उनले उनले पप(स्टार माइकल ज्याक्सनसँग विवाह गरेकी थिइन्। विवाह गरेको दुई वर्षपछि उनले माइकलसँग सम्बन्धविच्छेद गरिन्। २००२ मा अभिनेता निकोलस केगसँग विवाह गरेकी थिइन्। उनको यो सम्बन्ध पनि टिक्न सकेको थिएन् ।
