काठमाडौं । निर्देशक दीपेन्द्र के खनाल आफ्नो बहुचर्चित फिल्म ‘पशुपति प्रसाद’को स्पिनअफ ‘भष्मे डन’को तयारमिा छन् । यो फिल्म बन्ने भएसँगै चर्चामा रहेको छ ।
फिल्ममा पशुपतीका चर्चित पात्र भस्मे डन विपिन कार्कीले मुख्य भुमिका निभाउने भएका छन् । फिल्ममा उनी बाहेक सौगात मल्ल, रविन्द्रसिंह बानियाँ, प्रकाश घिमिरे को पनि मुख्य भुमिका रहेको छ ।
अब फिल्ममा प्रमुख अभिनेत्री तय भएपछि कलाकारको लाइनअपले पूर्णता पाउनेछ । फिल्ममा स्वस्तिमा खड्का, सुरक्षा पन्त र वर्षा सिवाकोटी को चर्चा रहेको छ ।
लिड एक्ट्रेसमा दीपेन्द्रले यी तीनमध्ये कुनै एकलाई छनोट गर्लान् त्यसका लागि चार–पाँच दिन प्रतीक्षा गर्नुपर्ने निर्देशक खनालले बताएका छन् । त्यस्तै नयाँलाई डेब्यु गराउने संकेत पनि खनालले गरेका छन् ।
