बलिउडका कलाकारको पछि उभिने एउटा आर्मी हुन्छ जो हरपल छायाँ जस्तै बनेर सेलीब्रटीको संगै रहन्छ । एयरपोर्ट देखी लिएर शुटिंग प्लेस सम्म सेलीब्रेटीको अंगरक्षक उनीहरुको हिफाजतका लागि सधै तम्तयार रहेका हुन्छन् । कतिपय सेलीब्रेटीको अंगरक्षक छन् उनीहरु आम मानिसको बिचमा एक्टर जतिकै फेमस रहदै आएका छन् ।
जस्तै सलमान खानको बडिगार्ड शेरा । यी बडीगार्डहरुको सेलीब्रेटी संग खास सम्बन्ध रहेको हुन्छ । उनीहरुले बडीगार्ड संगको बोन्डिङ सामाजिक सञ्जालमा कहिले काही शेयर गरिरहेका हुन्छन् । आज हामी तिनै सेलीब्रेटीहरुको बडिगार्ड मध्ये सलमान खानको बडिगार्ड शेराका बारेमा चर्चा गर्दैछौ ।
सलमान खानको बडीगार्ड शेराको बारेमा कसैलाई परिचय गराई रहनु पर्दैन । शेरा नै यस्ता बडीगार्ड हुन् उनको पुरै चर्चा हुने गर्छ । सबै ब्यक्तिहरुलाई थाहा छ कि शेरा भाईजान अर्थात सलमानको बडीगार्ड हुन् भनेर । दुई दशक अर्थात २० बर्ष देखी शेराले सलमान खान संग काम गरिरहेका छन् ।
सलमान संग हरेक बेला उनी साथै रहने गरेका छन् । सलमान संग उनको सम्बन्ध पनि एकदमै प्रगाढ रहेको छ । सलमान शेरालाई आफ्नै परिवारको सदस्य ठान्ने गर्छन् । शेरा सलमान लाई मालिक भनेर बोलाउने गर्छन् । सलमानले आफ्नो फिल्म बडिगार्ड शेराकै लागि समर्पित गरेका थिए ।
