एजेन्सी -बलिउडका भाइजान सलमान खानको क्रेज आज पनि उस्तै छ । सलमानले करिब ३ दशकदेखि फ्यानको मनमा राज गर्दै आएका छन् । सलमान आफ्नो फिल्म, आफ्नो स्टाइल, काम गर्ने शैलीलाई लिएर चर्चामा रहन्छन् । सबैभन्दा ठूलो कुरा के हो भने आज पनि सलमानको विवाद र लभ लाइफको निकै चर्चा भइरहेको छ ।
सलमानको नाम धेरै अभिनेत्रीहरूसँग जोडिएको थियो, प्रायः सबैले आफ्नो जीवनसाथी पाईसकेका छन् । तर, यी अभिनेत्रीसँग डेट गरेपछि पनि सबैको मनपर्ने भाइजान अझै सिंगल नै छन् । सलमान खानको अफेयरलाई लिएर धेरै कुराहरु बाहिर आएका छन् । पाकिस्तानी अभिनेत्री सोमी अली जब १५ वर्षकी थिइन्, उनले सलमानलाई एउटा फिल्ममा देखेपछि उनी सलमानसँग प्रेममा परिन् ।
सोही क्रममा सोमी र सलमान सन् १९९३ मा रिलेसनसिपमा परेका थिए । पछि केही कुरालाई लिएर दुवैबीच झगडा भयो र उनीहरु छुट्टिए । यसको पछाडि सलमानको महिलाप्रतिको व्यवहार थियो । यसै क्रममा सलमानले सोमीलाई नराम्ररी कुटे र शारीरिक यातना दिए । सोमीले लामो समयपछि यो खुलासा गरेकी हुन् । सोमीले हालै इन्स्टाग्राम मार्फत सलमानसँगको आफ्नो सम्बन्ध र शारीरिक शोषणको बारेमा कुरा गरेकी छिन् ।
सोमीले विभिन्न बोल्ड र डिजाइनर कपडामा तस्बिर सेयर गरेर सम्पूर्ण मामिलामा प्रकाश पार्ने प्रयास गरेकी छिन् । उनले यस विषयमा जम्मा १५ वटा पोस्ट गरेकि छिन् जसमा उनले आफ्नो र सलमानबीचको कथा सेयर गरेकि छिन् । सोमीले आफ्नो पोस्टमा लेखेकी छिन्, ‘यो कुनै पनि हिसाबले ब्रेकिङ न्यूज होइन । १९९० देखि १९९९ सम्म कुनै पनि फिल्म म्यागजिनमा, तपाईंले सोमीलाई सलमानले शारीरिक दुर्ब्यवहार गरेको समाचार पढ्नुभएको होला।
तर मलाई अचम्म लाग्छ किन सबैले सोच्छन् कि यी चीजहरू ९० को दशकमा कहिल्यै बाहिर आएनन्। मैले त्यसमा कमेन्ट गर्न छाडेको छु । तर अब यसमा प्रकाश पार्नको लागि टिप्पणी गर्ने कारण छ। अहिले धेरै बालबालिका, महिला र पुरुषले यस्तो अन्याय भोगिरहेका छन्, उनीहरूका लागि यो जीवन र मृत्युको विषय बनेको छ । जसको लागि मैले बोल्नुपर्छ।
यति मात्र होइन, सोमीले सलमानको नाम नलिइकन गम्भीर आरोप लगाएकी छिन् । सोमीले उक्त पोस्टमा आफूलाई चुरोटले जलाउने, शारीरिक तथा यौ न शोषण गर्ने गरेको बताएकी छन् । उनले यो पोस्टमा महिलाले सलमानलाई रोक्नु पर्ने पनि बताएकि छिन् । सोमी अलीका यी सबै इन्स्टाग्राम पोस्टको अहिले सामाजिक सञ्जालमा निकै चर्चा भइरहेको छ । तर, सलमानले अहिलेसम्म यसबारे कुनै प्रतिक्रिया दिएका छैनन् न त यी आरोपको खण्डन गरेका छन् ।
