काठमाडौँ । नायिका आँचल शर्मा पछिल्लो पुस्ताकी बढी रुचाइएकी कलाकार हुन् । तर बेला बेलामा यी सुन्दरी आफ्नो बोलीका कारण ट्रोल बनिरहेकी हुन्छिन् ।
बेलाबखत बोल्द बोल्दै चिप्लिँदा उनी आलोचित भैरहने हुँदा आफ्नै बयानका कारण ट्रोलरको निशानामा पर्दै आएकी छिन् । गत वर्ष उनले महिलाहरुले टिकटक चलाउने र उनीहरु बढी क्रियटिभ हुने भन्दै अन्तरवार्ता दिएपछि ट्रोलको शिकार बनेकी आँचल अहिले फेरी नायिका पूजा शर्मालाई ‘अग्रज’ भन्दा ट्रोल बन्न पुगेकी छिन् ।
आँचलले पूजालाई सम्बोधन गर्दा आफू भन्दा धेरै अगाडि फिल्म क्षेत्रमा पूजा आएको भन्दै आँचलले उनी आफ्नो अग्रज भएको र उनलाई सम्मान गर्ने उल्लेख गरेकी छिन् ।
पूजाले फिल्म ‘थ्रि लभर्स’बाट फिल्मी करिअर सुरु गरेकी थिइन् भने आँचलले फिल्म ‘नाई नभन्नु ल ४’बाट करिअर सुरु गरेकी थिइन् । फिल्म क्षेत्रमा आउनु अघि आँचल र पूजा दुबैले केही म्यूजिक भिडियोमा काम गरिसकेका थिए । आँचल र पूजा एउटै जेनेरेशनका नायिकाहरु हुन् ।
तर, आँचलले पनि पूजालाई अग्रज भएको बताउँदै उनलाई धेरै पुरानी नायिका जस्तो सोचेर अन्तरवार्तामा उल्लेख गरेसँगै आँचललाई उनका फ्यानले अग्रजको अर्थ पनि थाहा नभएको भन्दै उनको ट्रोल गरिरहेका छन् ।
