काठमाडौं-अभिनेता सलोन बस्नेतले सिरियल ‘हेल्लो ब्रो’ निर्माण गरेका छन् । युवाहरुको कथा समेटिएको सिरिजमा प्रभात पल ठकुरी, सुमिन गुरुङ, अलिष्था सुवेदी, मनीषा ओझा र सन्तोष गिरीको अभिनय छ । सलोन सलिना फिल्मस्को ब्यानरमा निर्मित सिरियलको लेखक तथा निर्देशन सुरेश न्यौपाने हुन् ।
रामजी राउत एपिसोड निर्देशक, सुरेश न्यौपानेको कथा, केदार भुषाल र सुमन गुरुङ गजमेरको लेखन, प्रशान्त शिवाकोटीको संगीत, शंकर भुजेल र ज्ञानकुमार कट्टेलको छायाँकन छ ।
बन्दे प्रसादको सम्पादन, समीर मियाँको भीएफएक्स र कलर, शिशिर खातीको कोरियोग्राफी, सुमन गुरुङ गजमेरको सहायक निर्देशन र केमोदिन मियाँको सहायक सम्पादन रहेको सिरियल श्रावणको पहिलो साताबाट बिएम टिभीबाट प्रसारणमा आउनेछ ।
