काठमाडौं, पुस १७ -भारतीय गायक मिका सिंहले एक मिनेट गीत गाएको १५ लाख भारु पारिश्रमिक लिएका छन्। भारतिय मिडियाका अनुसार विश्वकै धनाढ्यमध्येका एक मुकेश अम्बानीका छोरा अनन्त अम्बानीको इन्गेजमेन्टमा उनले एक मिनेटको १५ लाख पारिश्रमिक लिएका हुन्।
सोही अनुसार उनले दश मिनेट गीत गाएका सिंहले १ करोड ५० लाख भारु लिएका छन्। धनाढ्य घरको इन्गेजमेन्ट भएपछि उनले महंगो पारिश्रमिक लिएको समाचारमा जनाइएको छ । यसअघि मुकेश अम्बानीका जेठो छोरा आकाश अम्बानी र छोरी इशा अम्बानीको बिहेमा पनि उनले आफ्नो प्रस्तुति दिएका थिए।
अरूबेला मिका यति पैसा एक घण्टा प्रस्तुुति दिएपछि लिन्थे । मुकेश र नीता अम्बानीका छोरा अनन्तको पुस १४ गते इन्गेजमेन्ट भएको हो। उनले एनकोर हेल्थकेयरका सिइओ वीरेन मर्चेन्टकी छोरी राधिका मर्चेन्टसँग विवाह गर्न लागेका हुन्।
इन्गेजमेन्टमा थुप्रै बलिउड कलाकार सलमान खान, शाहरुख खान, रणवीर कपूर, आलिया भट्ट, रणवीर सिंह, जाहन्वी कपूरलगायत उपस्थित थिए।
