काठमाडौं – फिल्म ‘फूलबारी’को पहिलो गीत ‘माया रैछ र भर रैछ नी’ बोलको गीतको लिरिकल भिडियो सार्वजनिक भएको छ । गीतमा कालिप्रसाद बास्कोटाको शब्द, संगीत र स्वर छ । गायकीमा उनलाई गायिका सदिक्षा कट्टेलले साथ दिएकी छिन् ।
फिल्ममा विपिन कार्की, अरुणा कार्की, दयाहाङ राई, प्रियंका कार्की, गौमाया गुरुङ, शिल्पा मास्के, सोमनाथ खनाल, मनिष ढकाल, लोकेन्द्र लेखक, साक्षी सिंह भण्डारी, रुजा राउत, रुपेश दाहाल, सुमित्रा गोम्जा, कायरा कार्की, सोफिया राइको मुख्य भूमिका छ ।
जोश हेरुमको छायांकन रहेको यो फिल्ममा रामबाबु गुरुङको निर्देशन छ । फिल्ममा मणिराम पोखरेल कार्यकारी निर्माताको रुपमा छन् । निमेष श्रेष्ठको सम्पादन रहेको यो फिल्ममा मनोज श्रेष्ठको भीएफएक्स छ । फागुन ५ गतेबाट रिलिज हुनेछ ।
