काठमाडौं । लोकप्रिय नायिका तथा निर्मात्री रेखा थापा उनी राजनितमा लागुन् या कलाकारितामा उनलाई सबैले हक्की र निडर भनेर चिन्छन् । पछिल्ला दिनमा राजनीतिमा सक्रिय रेखाले अब राजनीति सँगसँगै कलाकारितामा पनि सक्रियता बढाउने भएकी छिन् । उनले आगामी फागुन र वैशाखमा उनका दुई फिल्म छायांकन गर्दैछिन् ।
आगामी असोजमा फिल्म रिलिज गर्ने तयारीमा रहेकी रेखाले ‘ह्यारीकी प्यारी’को गीत सार्वजनिक कार्यक्रममा देखा परिन् । सो अवसरमा मिडियाकर्मीसँग कुरा गर्दै रेखाले भनिन् सन्तान र फिल्म सम्भवतः सँगै आउन सक्छन् ।
निकै हँसिलो शैलीमा रेखाले भनिन् ‘हामी फिल्मको तयारीमा छौँ, अब भगवानले चाहेको खण्डठमा फिल्म र बच्चाबच्ची सँगसँगै पनि हुन सक्छ । निर्वाचन सकिएसँगै फुर्सदमा रहेकी रेखाले सबैको ध्यान खिच्दै भनिन् यसरी बुझ्नुस न, भाञ्जाभान्जी र फिल्म सँगसँगै आउने तयारीमा छन् । ‘
निर्देशक कपिल रिजाल निर्देशित फिल्म ह्यारीकी प्यारीको ‘धरहरा’ बोलको गीतमा उनले कम्मर मर्काएकी छन् । ह्यारीकी प्यारीमा रेखाले केमियो भूमिका रहेको छ ।
