काठमाडौं – चलचित्र ‘ह्यारी कि प्यारी’को पहिलो गीत ‘धरहरा’ सार्वजनिक भएको छ । सार्वजनिक गीतमा अभिनेत्री रेखा थापाले नृत्य गरेकी छन् । शिखर सन्तोषको संगीत, भोला रिजालको शब्द रचना रहेको गीतमा सपन कुमार राई र मिना निरौलाको स्वर रहेको छ । गीतमा कविराज गहतराजको कोरियोग्राफी रहेको छ भने रेखासँगै अभिनेताद्धय जितु नेपाल र विजय बराल पनि फिचर्ड छन् ।
रेखाले चलचित्रको गीत रिलिज कार्यक्रममा बोल्दै लामो समयपछि गेष्ट रोलमा नै भएपनि पर्दामा फर्किन पाएकोमा खुशी व्यक्त गरिन् । चलचित्र निर्माता डा। भोला रिजालका छोरा डा। कपिल रिजालको डेब्यू निर्देशकिय चलचित्र हो ।
बि आर प्रोडक्सनकको प्रस्तुतीमा निर्माण भएको चलचित्रमा जितु र विजयका अलवा साम्राज्ञी राज्यलक्ष्मी शाह, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनाललगायतको अभिनय रहेको छ ।दन्त चिकित्सक कपिलको प्रस्तुति निर्माण भएको चलचित्रमा रिजाल स्वयंमको कथा तथा निर्देशन रहेको छ भने सुदीप बराल, गिरीराज घिमिरे, अभिमन्यू निरवीले मिलेर पटकथा र संवाद लेखेका हुन् ।
