काठमाडौं । ‘कबड्डी’, ‘मैयाँ’ जस्ता सफल फिल्ममा काम गरेर चर्च कमाएकी अभिनेत्री रिश्मा गुरुङ पतिसँगै अमेरिका उडेकी छिन् । गुरुङले २०७६ साल फागुन ४ गते प्रेमी सन्दिप गुरुङसँग लगनगाँठो कसेसँगै अमेरिका उड्ने तयारी गरेको भएता पनि उनी अहिले आएर त्यसतर्फ गएकी हुन् ।उनका पति सन्दिप अमेरिकाको एयर फोर्स आर्मी हुन् ।
अमेरिका उड्नु अघि उनले ‘लाहुरै चलियो लाहुरेसँग । फेरी भेटौला । बाई बाई नेपाल ।’ भनेर फेसबुकमा लेखेकी छिन् । उनको अमेरिका बसाई कति लामो हुन्छ र अब नेपाल फर्केर फेरि अभिनयमा सक्रिय हुन्छिन् वा हुँदिनन् भन्ने चासो उनका प्रशंसकहरुमा उब्जिएको छ । रिश्मा पछिल्लो पटक फिल्म ‘कबड्डी ३’मा देखिएकी थिइन् भने लकडाउनको समयमा फिल्म ‘क्रसरोड्स–कथा तिम्रो र मेरो’मा अभिनय गरेकी थिइन् ।
