काठमाडौं । विराटनगर सुपर किङ्सले वेस्ट इन्डिजका आन्द्रे मकार्थीलाई कप्तानको जिम्मेवारी दिएको छ । भोली देखी हुने नेपाल टी(२० लिगका लागि मकार्थीलाई कप्तानको जिम्मेवारी दिइएको हो ।
यस्तै नेपाली राष्ट्रिय क्रिकेट टीमका कप्तान रोहित पौडेलले उपकप्तानको जिम्मेवारी पाएका छन् ।मकार्थीलाई विराटनगरका म्यानेजर राहुल शर्माले कप्तान घोषणा गरेका हुन् ।
विराटनगरको टीममा ६ जना विदेशी खेलाडी रहेका छन् । जिम्बावेका सिकन्दर राजा, पाकिस्तानका हुसेन टलत, जिम्बावेका कप्तान मकार्थीसहित किओन जोसेफ र राजननन् रहेका छन् ।
यस्तै अमेरिकाका गौरान्सु शर्मा रहेका छन् । १७ सदस्यीय टीममा नेपालका रोहित पौडेल, अर्जुन साउद, नन्दन यादव, विवेककुमार यादव, साहब आलम, अमरसिंह रौटेला, नारायण जोशी, सूर्य तामाङ, प्रदीपसिंह ऐरी, पृथु बास्कोटा र रिजन ढकाल रहेका छन् । विराटनगरले पहिलो खेल शनिबार लुम्बिनी अलस्टार्ससँग खेल्नेछ ।
