काठमाण्डौ- बाक्लो हुस्सुका कारण त्रिभुवन विमानस्थलबाट हुने आन्तरिक तथा बाह्य उडान ठप्प भएको छ । आज बिहानैदेखि हुस्सु लागे पछि नै पनि उडान तथा अवतरण हुन नसकेको हो ।
अवतरण हुन नसकेपछि दिल्लीबाट आएका दुई वटा तथा क्वालालाम्पुर र सारजाहबाट आएका एक, एकवटा जहाज अहिले आकाशमा घुमिरहेको विमानस्थलका प्रवक्ता टेकनाथ सिटौलाले बताए ।
मौसम खुलेपछि मात्रै उडान र अवतरण सुरु हुने विमानस्थलले जनाएको छ । अहिले आन्तरिकतर्फको उडान पनि ठप्प छ । जहाजहरु होल्डमा रहेकाले मौसम खुलेपछि पनि उडान अवतरणमा केही ढिलाइ हुन सक्ने प्रवक्ता सिटौलाले बताए ।
