काठमाडौं । ‘कबड्डी’ फेम्ड रामबाबु गुरुङ निर्देशित आगामी फिल्म ‘फूलबारी’को टिजर सार्वजनिक भएको छ । सार्वजनिक टिजरमा विपिन कार्की र अरुणा कार्की मुख्य भुमिकामा देखिएका छन् ।
फिल्मले दम्पतीबीच सम्बन्धमा प्रेमसँगै आउने असमझदारी र मनमुटावको कथालाई देखाएको छ । यी दुईबीचको कथामा प्रियंका कार्की, गौमाया गुरुङ, दयाहाङ राई, शिल्पा मास्के, सोमनाथ खनाल र अनुपम शर्मा पनि मुख्य भुमिका रहेको छ ।
फिल्मले अभिभावक र सन्तानबीचको सम्बन्धको कथा पेस गर्छ । उपेन्द्र सुब्बाको पटकथा र किशोर मलपानीको कथा रहेको फिल्म छायांकार अमेरिकी जोश हेरम रहेका छन् ।
हेरमको क्यामेरा रहेको फिल्म फागुन ५ गतेदेखि प्रदर्शन हुँदैछ । कालीप्रसाद बाँस्कोटा र अनुपम शर्माको संगीत रहेको फिल्म यशोधा फिल्म्सको ब्यानरमा निर्माण भएको हो ।
