काठमाडौं । शनिबारबाट प्रदर्शनको ५१ औँ दिन पार गरेर पनि हलमा दर्शकको सुाथ पाइरहेको फिल्म हो ‘महापुरुष’ ।
फिल्मका निर्माता, निर्देशकदेखि अधिकांश चलेका कलाकारहरुका कारण र बलियो कथा बस्तु र प्रस्तुतीले महापुरुषले कमाल नै गर्यो । प्रदृशनमा आएको दिनदेखि आजसम्म निर्माता निर्देशकको टाउको दुखेन । दर्शक आएनन् भन्ने उनीहरुलाई भान नै भएन ।
तर फिल्म हेर्नका लागि हुलका हुल लागेर हलमा जाँदा पनि फिल्मकी नायिका अञ्जना बराइलीको भने खासै चर्चा हुन सकेको छैन ।
फिल्म हेर्ने हो भने उनको अभिनय राम्रो छ । अञ्जना यसै फिल्मबाट अभिनयमा डेब्यु गरेकी हुन् ।
डेब्यु फिल्ममा अभिनय राम्रो हुँदाहुँदै पनि उनी महाजोडीलगायत स्टार कलाकारको छायामा परेकी छन् । अञ्जनाले सार्वजनिक कार्यक्रममा दर्शकको माया पाएको बताउने गरेकी छिन् ।
