काठमाडौं । राष्ट्रिय स्वतन्त्र पार्टीको तर्फबाट धादिङ १ मा प्रतिनिधिसभा सदस्यका लागि उम्मेदवार बने तर पराजय बेहोरे ।
चुनावी मुड उत्रिएपछि उनै हिमेश यतिबेला कमेडी टक शो चलाउने तयारीमा छन् । हिमेशले हाँस्यव्यंग्यमा आधारित टेलिभिजन कार्यक्रम ‘शून्य : ज्ञानयुक्त तनावमुक्त’ ल्याउने तयारी गरेका छन् ।
जुन कार्यक्रम प्राइम टाइम्स टेलिभिजनबाट प्रसारण गर्ने उनको तयारी छ । पुसदेखि १३ एपिसोडको शो प्रसारण हुने हिमेश बताउँछन् । आफ्नो कार्यक्रममा उनले राजनीतिज्ञलाई अतिथि बनाएर व्यंग्य गर्नेदेखि अनौपचारिक गफगाफ गर्ने छन् ।
हिमेशका अनुसार उनको कायृक्रममा ‘नेतालाई बोलाएर राजनीति बाहेकको शून्यमा रहेर गफगाफ हुनेछ । सेन्स अफ ह्युमरमा रहेर व्यंग्यसहितको कुराकानी हुनेछ’ । राजनीतिक र सामाजिक विषयवस्तुमा कमेडी गर्ने कार्यक्रमको मुख्य उदेश्य भनेको सन्देश दिने हुने हिमेश बताउँछन् ।
