बलिउडका कलाकारको पछि उभिने एउटा आर्मी हुन्छ जो हरपल छायाँ जस्तै बनेर सेलीब्रटीको संगै रहन्छ । एयरपोर्ट देखी लिएर शुटिंग प्लेस सम्म सेलीब्रेटीको अंगरक्षक उनीहरुको हिफाजतका लागि सधै तम्तयार रहेका हुन्छन् । कतिपय सेलीब्रेटीको अंगरक्षक छन् उनीहरु आम मानिसको बिचमा एक्टर जतिकै फेमस रहदै आएका छन् ।

जस्तै सलमान खानको बडिगार्ड शेरा । यी बडीगार्डहरुको सेलीब्रेटी संग खास सम्बन्ध रहेको हुन्छ । उनीहरुले बडीगार्ड संगको बोन्डिङ सामाजिक सञ्जालमा कहिले काही शेयर गरिरहेका हुन्छन् । आज हामी तिनै सेलीब्रेटीहरुको बडिगार्डका बारेमा चर्चा गर्दैछौ ।

सलमान खान

सलमान खानको बडीगार्ड शेराको बारेमा कसैलाई परिचय गराई रहनु पर्दैन । शेरा नै यस्ता बडीगार्ड हुन् उनको पुरै चर्चा हुने गर्छ । सबै ब्यक्तिहरुलाई थाहा छ कि शेरा भाईजान अर्थात सलमानको बडीगार्ड हुन् भनेर । दुई दशक अर्थात २० बर्ष देखी शेराले सलमान खान संग काम गरिरहेका छन् । सलमान संग हरेक बेला उनी साथै रहने गरेका छन् । सलमान संग उनको सम्बन्ध पनि एकदमै प्रगाढ रहेको छ । सलमान शेरालाई आफ्नै परिवारको सदस्य ठान्ने गर्छन् । शेरा सलमान लाई मालिक भनेर बोलाउने गर्छन् । सलमानले आफ्नो फिल्म बडिगार्ड शेराकै लागि समर्पित गरेका थिए ।

अक्षय कुमार

बलिउडका एक्सन किंग अर्थात खेलाडी अक्षय कुमार आफैमा एक बडिगार्ड हुन् । उनी आफै कसैलाई पनि धुलो चटाउन सक्षम छन् । तर यति ठुलो स्टारडम बनाएका उनले बडिगार्ड आफ्नो हिफाजतका लागि राखेका छन् । अक्षयको बडीगार्डको नाम श्रेयस रहेको छ । श्रेयस अक्षयको मात्र हैन उनको छोरा आरवको समेत सुरक्षा दिन्छन् । भारतीय संचार माध्यमका अनुसार अक्षय कुमार आफ्नो बडिगार्डलाई १ करोड २० लाख रुपैया सेलरी दिन्छन् ।

आमिर खान

बलिउडका मिस्टर परफेक्शनिष्ट आमिर खानको बडीगार्डको नाम युवराज घोरपडे हो । युवराज यति भाग्यशाली छन् कि उनी बलिउडको यति ठुला स्टारको सधै अगाडि पछाडी रहने गर्छन् । युवराज बडि बिल्डिङमा आफ्नो करियर बनाृन चाहान्थे तर बनाउन सकेनन् । १६ बर्षको उमेरमै उनले पढाई छोडेका थिए । उनले पछि सेक्युरीटी फोर्समा जोइन्ट गरे र पछिल्लो ९ बर्ष देखी आमिर खानको बडी गार्ड बनेर काम गरिरहेका छन् ।

अनुष्का शर्मा

अनुष्का शर्माको बडीगाडएको नाम सोनु हो । उनको पुरा नाम प्रकाश सिंह हो । सोनु बिराट कोहली संग बिबाह हुनु अघि देखी नै अनुष्काको बडिगार्डको रुपमा काम गरिरहेका छन् । अब अहिले उनी अनुष्का र बिराट दुबैजनालाई सुरक्षा दिईरहेका छन् । अनुष्का उनलाई आफ्नै परिवारको सदस्यका रुपमा लिने गर्छिन् । हरेक बर्ष सोनूको जन्म दिन समेत उनी मनाउने गर्छिन् ।

अमिताभ बच्चन

बलिउडमा महानायकको रुपमा स्थान बनाउन सफल अमिताभ बच्चनको प्रसिद्धिलाई लिएर उनको बडिगार्ड पनि खास नै राखिएको छ । उनको बडिगार्डको नाम जितेन्द्र शिन्दे रहेको छ । उनी अमिताभलाई हरेक ठाउँमा सुरक्षा दिन एकदमै तम्तयार रहन्छन् । अमिताभ संग उनी हरेक इभेन्ट, सेटमा देखिने गरेका छन् ।