काठमाडौं – फिल्म ‘बदलिँदो आकाश’ निर्माण हुने भएको छ । फिल्ममा अभिनेत्री आना शर्माले अभिनय गर्ने भएकी छन् । अनुप पौडेलले निर्माण गर्न लागेको फिल्म मच्छिन्द्र योङग्यले निर्देशन गर्न लागेका हुन् ।
अन्य कलाकार छनौटको क्रममा रहेको निर्माण युनिटले जनाएको छ । फिल्मको नेपाल, भारतको दार्जिलिङ र सिक्किममा छायाङ्कन हुने बताइएको छ ।
भारतको फिल्म विकास निगम (एनएफडीसी) ले आयोजना गरेको फिल्म बजारमा छानिएको स्क्रिप्टमाथि फिल्म निर्माण हुन लागेको हो । फिल्म ट्राभल कथावस्तुमा निर्माण गर्न लागिएको बताइएको छ । ‘जेरी २’ मा पनि अभिनेत्री आनाको अभिनय रहनेछ ।
