काठमाडौं १८ असार । ललितपुर महानगरपालिका ४ धोवीघाटस्थित सडक किनारबाट अवैध लागूऔषध सहित एक युवक पक्राउ परेका छन् । पक्राऊ पर्नेमा मोरङ विराटनगर महानगरपालिका ४ ठेगाना भएका २४ वर्षीय निश्चल रेग्मी रहेका छन् ।
उनलाई प्रहरीले २० ग्राम ५ मिलीग्राम लागूऔषध एम्फेटामाईन सहित बुधबार दिउँसो लागूऔषध नियन्त्रण ब्यूरो कोटेश्वरबाट खटिएको प्रहरी टोलीले पक्राउ गरेको हो ।
निजमाथि जिल्ला अदालत ललितपुरबाट म्याद थपको अनुमति लिई अनुसन्धान भईरहेको उक्त ब्यूरोले जनाएको छ ।